مراد الروح ساحر العيون
Admin
الجنس : 
عدد المساهمات : 231
السٌّمعَة : 0
تاريخ الميلاد : 08/02/1988
تاريخ التسجيل : 21/07/2012
العمر : 36
الموقع : شباب الكفل
 | موضوع: روووعة ابوذيات جميله  الأحد يوليو 22, 2012 2:22 am | |
|
بمناسبة العام الجديد 2012
كل عام وانتو بخير ويارب تحقيق الامنيات
جمعت ابوذيات مميزة
يله نبدي :
ملاك من السما نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انته عسل لازك بديه
ــــــــــــــــــــــــــــــــــــــــــــــــــ
انت الشمس و انت البدر من هل
و شفافك طعم العسل منهل
كلبي بس الك يا ترف ما نهل
الورد من تمر ياخذلك تحية
ــــــــــــــــــــــــــــــــــــــــــــــــــ
بس انت احبنك واريدك
دشوف اسمي بس باوع وريدك
خذت كلبي وضميتة ورة ايدك
الك للموت خذ كلبي هدية
ــــــــــــــــــــــــــــــــــ
وحك الترك بين الناس ثقلين
وعيوني من السهر بجفاك ثقلن
احبك من صدك يفلان ثق لان
احس انك شراكه وياي بية
ــــــــــــــــــــــــــــــــــــــ
سكر عسل كل من ضاك نفسك
أكوغيرك حلو بس ماكو نفسك
تمنيت ياحبيبي تبوس نفسك
بس بداخلك تنويهه أليه
ــــــــــــــــــــــــــــــــــــــــــــــــــ
إسمك شعر وبكلبي ارد بي
وخدك مشتل وخضر ورد بي
طريق المدرسة رايح وارد بي
حتى بس اشوفك هاي هية
ـــــــــــــــــــــــــــــــــــــــــ
يضالم لا تهيج الروح خلها
عساها تموت بعد فراك خلها
لزم ايدي الطبيب وصحت خلها
المرض بالكلب جا شلك بدية
ـــــــــــــــــــــــــــــــــــــــ
قلم كلبي تداين ورقة منك
لان ماكو بجمالك ورارقى منك
انا بيدي اسجلك ورقمنك
و اكتب لافتة محجوز الية
ــــــــــــــــــــــــــــــــــــــــــــــــــ ــــــــ
الك نجمة وسط كلبي علم دار
تضل انت دومك علم علدار
غلاتك تسوة ميماتي وعلم دار
والسكندر يقدملك تحية
ـــــــــــــــــــــــــــــــــــــــ
أتيه بشوفتك لاتنشد وينهلك
نضيع احنا ابحر عينك ونهلك
حبيبي الروح مرعى لك ونهلك
واريدك دوم قرة عين ليه
ـــــــــــــــــــــــــــــــــــ
حبيبي باب كلبك جامعتنه
وتدري الصدفة كتلك جامعتنه
سوي انت استضافة بجامعتنه
العميد يكوم ياخذلك تحية
ــــــــــــــــــــــــــــــــــــــــــــ
علي ما افضل احد .. وانتة افضلك
واهد وافزع واثورن .. وانتفض لك
يبيك شلون خانوا .. وانتة فضلك
عليهم مثل فضل امي علية
ـــــــــــــــــــــــــــــــــــــــــــــ
يمن وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية
ـــــــــــــــــــــــــــــــــــــــــ
صار الكلب كاسك .. وانتة كاسة
والميحبك خسارة .. وانتكاسة
لو العب ابدوري .. وانتة كاسة
اشيلك حتة لو خسران مية
ـــــــــــــــــــــــــــــــــــــ
زاد بكلبي شوكك .. وانتة قل بي
ووصل للراس حبك .. وانتقل بي
احب شلون غيرك .. وانتة قلبي
وانة بكلبي احبن مو بدية
ــــــــــــــــــــــــــــــــــ
رشيق الطول كال بشعر .. صفنة
وجمالك بالشعر يحتاج .. صفنة
بطولك من تجي وتصير .. صفنة
صفر ينطونة وينطوك مية
ــــــــــــــــــــــــــــــــ
عشكتك من زغر سنك .. ويهلك
اليحبك ليش يتعذب .. ويهلك
اغار عليك من تمشي .. ويهلك
لجن وية الغريب شلون بية
ــــــــــــــــــــــــــــــــــــ
هلة يالكل عشرتي وياك .. ماسات
واسكر لو شفاي شفاك .. ماسات(مست)
الك خدين بيض تكول .. ماسات
من ابوسك ينعكس وجهي علية
ــــــــــــــــــــــــــــــــــــــــــــــــــ ــــــــــــــــــــــــــ
| |
|
