مراد الروح ساحر العيون Admin
الجنس : عدد المساهمات : 231 السٌّمعَة : 0 تاريخ الميلاد : 08/02/1988 تاريخ التسجيل : 21/07/2012 العمر : 36 الموقع : شباب الكفل
| موضوع: ابوذيات 2012 الأحد يوليو 22, 2012 2:17 am | |
| حبك صار بي لوعة ودكة واحط بالكلب بسمارك وادكه وك اشكم دكة شفت منك ودكة ورغم هذا احبك مو بديه
كم من عمري خلصته ورا كم وكضيت سنين بس اركض وراكم بعت عمري ترى لحبكم واراكم ابدال المشترى تبيعون بيه
اريد اخذ قسط راحة من الراح بجيت وربعي سألوني منو الراح شجاني وماخذت عبرة من الراح ولا بالجاي عبرة تصير اليه
افتحت صدري لسهامه من رماني وشفته وكلت مدري من رماني بفيي وكعد ياكل من رماني ويحسب للشته اشكم غصن بيه
ابين ضلوعي شلتك ماهملتك وبقيت ابجفن عيني ماهملتك آنه حسبالي الخيانة ما هي ملتك لجن هسه اتضح كلكم سوية
بعد من نار شوكي منجمالك يهل غاير جمالك من جمالك ثكيل الصحره تشكي من جمالك اذا تصعد جمل تنكسر هيه
هلة ياللي على الفطرة هوانا وينعشك لو يمر مرة هوانا اذا تسأل على اليوفي هو آنه افزع بأول صياحك عليه
مثل مرجوحة بي رايح ورادود والولي بصوت لاناعي ورادود من يمشي الحلو يمشي ورادود من اشبكه الدود يتكوم عليه
بابي الما نهر جفك من اندك ودا عاين آنه لو وكتي منو اندك حنطة وطبعي اظل واكف من اندك اغزر بالوفي وبالذاته بيه
امتحنتك ردت اجربنك صحت حل واشد جرحي واسمعنك صحت حل بعدني ما طحت يمك صحت حيل لو طايح صدك شتسوي بيه
يامن مالي غيره الكلب يامن رضى كلبك علينه نكول يامن انشدك انته امس مريت يامن وراك الناس تتراكض خطية
المصايب امنن بيه والاذان بغيابك لانظر عندي ولااذان وحشة غروب المفارك والاذان العكيلة تكول يقروها عليه
| |
|