الابوذية والشعر

أبوذيات

أحد أنواع الشعر الشعبي وأستخدم لأول مرة من قبل أهالي سوق الشيوخ
ولهُ خاصيته لدى الشعب العراقي
ويتكون من أربعة أبيات
البيت الأول والثاني والثالث يكون نهايته بكلمة واحدة
والبيت الرابع يجب أن ينتهي بكلمة نهايتها (ية)
وهو يكتب للفراق والحزن والعشق
لأكتب لكم بعض أبيات الأبوذية



عسـل يقطر من شفته وكت شافه
ونور القمر شع منه وكت شافه
نيوتن كذب علمه وكـتشافه
أنا بنور وجه شفت الجاذبية

..
..

تمرضت وصعد مرضي على شفاي
وطب لندن فلا يقدر على شفاي
حبيبي من تحط شفتك على شفاي
أطيب وكل مرض ما يبقى بية

..
..

حـبيبي شبيك بس تخلف وعيدي
وعلي رديلي أحزاني وعيدي
رمضان قضى حسرة وعيدي
ثلاثة أيام ريتك بلا منية

..
..


مرا أيامي بغيابك شحله
وروح الفرح من بعدك شحله
أيدي المجتفة لظهري شحله
شحله الزمن يعقد وأنا الميتات إيدية

..
..


مشغول بيمن من شغلكم
ولو مو شغلي هذا من شغلكم
بعد مار اح أبجي ومن شغلكم
أموت هل راح وأحسم هالقضية
..
..


أنا جسمي بغيابك يا ماحامي
وقضيت العمر كله يمه حامي
دخيلك لحق علي يا محامي
حتى روحي علي بترفع قضية

..
..

عبرت أجبال لعيونك وسهلا
ومصاعب بسكتك هانت وسهلا
وأقبلت لا قلت أهلا وسهلا
ومنك ما شفت غير الأذية

..
..

زماني ما رحم بيه ولدعم
وقمت ما وكد الأبيض ولدعم
أباوع بالزلم مابيهم ولدعم
ولا صاحب يحن قلبه علية

..
..

السعادة منين أجيبنه والأفراح
وعلى الخوان راح أصبر والأفراح
ألف سجنوا وألف قتلوا والأفراح
وتالي وما رجع واحد علية

..
..

بيا آية حسن أبدي وشبهان
وحبك نار يا مدلل وشبهان
يا ليت أغفى على خدودك وشبهان
وأحط خدي على خدك وها هية

..
..

أريد أمشي نهار الصيف وأسعى
على حلق الصغير وعين وأسعى
يا حفار القلب بالله عليك وسعى
بلكي تكون موتتنا سوية

..
..

بعدك قمت أسوي النوح ويبات
ولا أخلي بريم أي هيم ويبات
الحزن وياي طول الليل ويبات
بفراشي ويسولف لي علية

..
..

روحك من صحبتك بان كله
وأنصحك لا تخاوي الناس كله
لقمتك وي كريم الذات كله
لذيذه شقد تحس بيه وهنية

..
..

حبيبي بيا بخت وياي شديت
وعدا هجرك إلي شقدمت شديت
بصبعك حتى تذكر خيط شديت
أنحصر دمك ولا فكرت بية

ومن يملك بعض من أبيات الأبوذية أرجوا المشاركة